صوت المعلق التونسي عصام الشوالي يدوي في رأسي
هدف التعادل للطليان.....خلتك أظن..أيظن واظن ..وأنت تتأكد ..ماركووووو ماتيييي راااااتزي
ليبي يعود....دومنيك يصمد....بارتيز يدخل فيه هذا الهدف.....بيرلو عرضية ...ماركو رأسية
ثابتة تصنع فرحة الطليان
كان هذا نهائي كأس العالم2006
وكنت انا بشجع ايطاليا بجنون كما لو اني ايطالي
وفعلا يشرفني اني اكون ايطالي وبشجع ايطاليا
علي رأي الزعيم مصطفي كامل
لو لم اكن عبيطا لوددت ان اكون عبيطا
هكذا قال و هكذا يردد كل عبيط
ليس كل المصريين عبط
لسه فيه امل
المهم
ساعتها تخيلت ان الكورة في رجلي وبرقص بيها كل حاجة خانقاني
وفي كل مرة اعدي من حاجة ...أثبت الكورة عشان مضعش مني
والتفت للحاجة ال رقصتها واقولها................. طظ
علي كدة هالتفت كتير وهاقول ...طظ ...كتير
لأن الحاجات ال خانقاني كتير
هاقولها
طظ لعمنا مصطفي كامل......طظ للتخلف العقلي بتاع المصريين
طظ لعبد الحليم حافظ .........طظ لأم كلثوم
طظ لابو تريكة..........طظ للاهلي
طظ لسعد الصغير.....طظ لشعبان البغبغان
طظ لثقافة العنب.......طظ لثقافة يوم الخميس
طظ لعادل امام.........طظ للسبكي
طظ للتعليم في مصر..........طظ للبيتعلموه ويعلموه
طظ لسواقين الميكروباص..........طظ للمرور
طظ في ال خلي الشباب تطفش وتهاجر وتغرق
طظ في الشاب ال يريل علي مؤخرة البنت
طظ في البنت ال مش عارفة حاجة في اي حاجة
طظ في التحرش
طظ في البانجو والحشيش
طظ في ملك الجيل تامر حسني
طظ للواسطة طظ للموالسة طظ للنفاق
طظ في الخطة الخماسية
طظ في الوعود الكدابة
طظ في حكومة الدعم واللادعم
طظ وطظ وطظ وطظ وطظ وطظ وطظ.......... وطظ
لان كما قال المفكر والكاتب العبثي صامويل بيكيت
من لايعرف الحقيقة ليس له حقيقة وغودو بلا حقيقة لأنه لا يعرفها
واحنا منعرفش حاجة غير ال انا قولتلهم طظ
ونتيجة لكدة
ليس لنا حقيقة
ارجوكم لا تغضبوا مني
اليس نحن كما قال الرسول عليه الصلاة والسلام
خير اجناد الارض
وكنتم خير امة اخرجت للناس
اذن
اين خير اجناد الارض؟
اين خير امة اخرجت للناس؟
اسئلة صعبة....... مش كده
والي لقاء اخر
No comments:
Post a Comment