the red carpet
البساط الاحمر
حلم كل العاملين في مجالي السينما والتمثيل
السير فوق البساط الاحمر
و حضور حفل الاوسكار
دعونا نتخيل......فقط نتخيل
الشاعر والمطرب والممثل العملاق مصطفي كامل
ده غير مصطفي كامل بتاع لو لم اكن عبيطا لوددت ان اكون عبيطا
مصطفي كامل بتاع قشطة يابا
الرجل الذي جسد في هذا الفيلم....دور الشاب المكافح
الذي لايقبل بالمساومة علي فنه وصوته الجميل
ويرفض رفضا باتا ان يغني في الافراح
لان فنه ارقي من ذلك بكثير
وده بيتضح لما كان واقف مع صاحبه علي الكورنيش
وبيقول هو يستحضر اداء استاذه في الغناء والتمثيل
عبد الحليم حافظ .......وبيقول لصاحبه بكل المعاني والاحاسيس الانسانية
لا لا لا لا لا لا لا لا لا لا.....مش هاغني في الافراح واتنااااااازل عن مبادئ
انا عاوز اوصل احاسيسي للناس ... مش اغني ورا واحدة رقاصة
لا لا لا لا لا لا لا لا مش ممكن ابدا ابدا ابدا
فصاحبه قاله
لا لا لا لا لا لا لا انت ال هتغني يا منعم
فرد وقال
مش ممممممممممممكن اضرب بانجو وبيرة كنز واغني ورا رقاصة
صعب مستحيل مش ممكن ابدا ابدا ابدا
انا هاعيط من كتر المبادئ ال بتخر
ولكن القدر اراد عكس ذلك
البت بتاعته سابته....ابوه تعب واحتاج عمليه
والعمليه محتاجة فلوس وهو مش معاه فلوس
جاء الوقت للتنازل عن المبادئ
ضرب بانجو وغني ورا رقاصة في فرح
علشان يجيب الفلوس.........لكن
ابوه مات مات مات مات مات مات
لااااااااااااااااااااااااااااااااااا
هذا مجرد تخيل للشنف الاهطل العبيط المتخلف
مصطفي كامل
اكتر اسم بكره.....لا .....وربنا مبتلينا باتنين مصطفي كامل
هذه هي بعض ثقافة طبقة كبيرة متخلفة عقليا
قشطة يابا.... العنب....اغنيه المحكمة....اركب الحنطور
ولذا......لابد ان اتكلم عن فيلمي المفضل
fight club
نادي القتال
كيف اضع اسم هذا الفيلم مع اسم فيلم قشطة يابا في مقال واحد...كيف؟
والله ...ايدي بتاكلني امسح الكلام المكتوب عن الاسفاف والجهل ال فوق
ولكن....هاسيبه.... للتوضيح وللتوضيح فقط
لانه مينفعش يتذكر اسم الفيلم ده في مدونتي
ولكن هاسيبه...يالاااااااااااااااا ....ياخد شرف انه اتذكر اساسا في اي حته
نرجع لفيلمي المحبوب الاسطوري
الفيلم ده اثر في شخصيتي بدرجة كبيرة
اضاف لي افكار وحكم ....لم اسمعها من قبل في تراثنا الكبير
غير مفاهيم كانت متلخبطة في دماغي
واضاف اخري ستظل معي الي ان يحتضني قبري
مش عارف ابدأ منين في تحليلي للفيلم ده
العنوان ...سابدا بالعنوان
نادي القتال
القتال بين الخير والشر....بين العبودية والحرية
القتال بين الانسان ونفسه....القتال بين البشر
الامل واليأس.......الاختيار والاجبار
المعرفة وعدم المعرفة.......الشئ واللا شئ
every evening i died and every evening i was born again
resurrected
كل مساء اكون ميت وكل مساء اكون مولود من جديد
انبعاث
لابد ان يموت شئ حتي يحيا شئ
نادي القتال
العنوان بس فيه معاني وحكم كتير اوي
تعالوا نحلل بعض المشاهد
لاني لو اتكلمت عن الفيلم كله
مش هاخلص هذا المقال ولا حتي السنة ال جايه
بس هاخد اهم المشاهد
اول مشهد
يسألني الناس اذا كنت اعرف تايلر دردن؟
ومن هو تايلر دردن
انسان يقول
انت مش الفلوس ال في جيبك
انت مش العربية ال بتسوقها
انت مش الجاكت ال انت لابسه
وهاضيف انا
انت مش حلمك ال بيستعبدك
انت مش الافكار المتخلفة ال عندك
انت ايه؟ انت مين؟
المشهد التاني
انا بسأل نفسي عن نظافة فوهة المسدس الموجودة في فمي؟
الراجل نسي انه يخاف علشان ....هيموت
وفكر في نضافة المسدس ال هيموت بسببه
كلنا هنموت...... كلنا بنموت
كلنا بنموت......غدا اتقدم يوم نحو الموت
اي هراء هذا
الانسان يستنفذ وقته وحياته في التفكير في اشياء تافهة
حتي في نظافة الاشياء التي تؤدي به الي الموت
هكذا قال المشهد ...او هكذا فهمت منه
المشهد الثالث
ادوارد نورترن بطل الفيلم .... والذي لم يذكر له اسم في الرواية او الفيلم
خلص ا لفيلم ومش عارفين اسم بطل الفيلم ايه؟
هذه هي عبقرية تشاك بولانيك كاتب الرواية
ودافيد فنشر مخرج الفيلم
المشهد كالاتي
انسان يمشي في بيته والبيت يتحول الي مجلة
اذا الانسان يمشي في مجلة
تلفزيون 500 قناة.........محمول علي احدث طراز
احدث الادوات الرياضية .....احدث الادوات المطبخية
وان ظهر الاحدث....يترمي ال قبل منه في الزبالة
الموضة تستعبدنا......المجلات تستعبدنا
الاعلانات تستعبدنا........الافكار تستعبدنا
اصبحنا عباد لاصنام....صنعناها بايدنا
كما فعل الناس ايام الجاهلية
ولكن هذه المرة لانعبد اللات والعزة
ولكننا نعبد افكارنا الغريبة المتخلفة
العربية...الموبايل...اللبس.... الفلوس
من يمتلك الاخر ؟........نحن ام ما نصنعه؟
هذا هو المشهد الرابع
i say never be complete, i say stop being perfect
i say lets evolve
لا تكن كاملا..لاتسعي الي الكمال..افلت زمام الامور
دعها حيث ترسي
هكذا قال تايلر دردرن او الممثل العبقري.... العبقري.... براد بيت
قالها لكل من كان عقله اجوف فارغ
لكل من يسعي للكمال...ولأن الكمال لن يحدث لبشر
المشهد الخامس
i want u to hit me as hard as u can
اضربني بكل ماتستطيع من قوة
لماذا؟
how much can you know about ur self if you`ve never been in a fight
ازاي هتعرف نفسك اذا لم تخض معركة او قتال او تجربة
هكذا فهمت
لا زم الانسان يجرب..لازم الانسان يخرج ابداعه .
لازم ولازم ولازم ولازم
كيف تعرف نفسك؟...كيف لاتقع فريسة للفراغ الروحي والعقلي؟
الانفصال في الشخصيه..... اللخبطه....الضوضاء الفكري
انك تبقي عايز تعمل الحاجة ومش عايز تعملها
كيف وصلنا الي هذه النقطة؟
هذا هو المختصر
لو قعدت اتكلم علي الفيلم مش هاخلص
وعلشان كده هاقول كفايه عليكم شويه الحيرة والدوشة
ال سببتهالكم
لكن في اعتقادي هي احسن من دوشة العنب واركب الحنطور وقشطه يابا
ولا ايه رأيكم؟
والسلام عليكم ورحمة الله وبركاته
